كتب/رفيق عبد الفضيل
أعلنت مصادر تركية
أن الرئيس السيسي هيزور تركيا أوائل سبتمبر لأول مرة كرئيس لمصر،
الزيارة ليست مجرد إنعكاس لرجوع العلاقات بين مصر وتركيا أو حتى هدفها إنتصار على الإخوان لان في ملفات كتير أهم بقت مصر وتركيا جزء رئيسي فيها،
ملف ليبيا اللي مرشح للإشتعال من جديد وملف السودان اللي تركيا من أهم اللاعبين فيه وملف حرب غزة،
ملف إثيوبيا اللي تركيا دخلت عشان تكون وسيط جديد فيه،
قبل أيام كان في تدريب عسكري بحري بين مصر وتركيا ووصلت فرقاطة حربية تركية ميناء الإسكندرية،
أهمية التعاون العسكري مع تركيا مش بس صفقة طيارات بيرقدار المسيرة .. لكن كمان تركيا عندها تواجد عسكري في الصومال،
وبعد توقيع مصر اتفاقية دفاعية مع الصومال
قال بيان صادر عن الاتحاد الأفريقي أن مصر هتساهم للمرة الأولى بقوات عسكرية في بعثة الاتحاد الأفريقي لدعم وتحقيق الاستقرار في الصومال "أوصوم"،
القوة هتبدأ عملها في يناير 2025 كبديل لبعثة الاتحاد الأفريقي الانتقالية في الصومال "أتيمس" اللي بتشارك فيها قوات من بوروندي وجيبوتي وإثيوبيا وكينيا وأوغندا.
مصر بدأت في تشكيل محور يضم الصومال وإريتيريا وجيبوتي في مواجهة الطموحات الإثيوبية في القرن الأفريقي.