الرجاله اتحزمت وبقت ترقص و في هز الوسط بقو محترفين
وكأنهم داخلين منافسه مع الراقصات والراقصين
والبنات تشرب الشيشة والسجاير في القهاوي والكافيهات والشوارع وكمان في الميادين لا حياء ولا خشي وبقت من المدخنين وعادي وفكك ياعم ماتوجعش دماغنا بأصول وتربية أو حتي كلام في الدين
وكترو المخنثين
وانقلبت الموازين
والطفل يرد علي امه وأبوه ببجاحه واي حد كبير تحت مسمي قال ايه تربية ايجابيه ماعرفش جابوها منين
وشيخ مانعرفش ثقافته ايه
و اتعلم فين مدعي معرفته بالفقه والدين
مربي دقنه حوالي مترين
ولابس له غطرة ولا عمه ويحلل ويحرم علي حسب مزاجه هو واللي دافعله الارشين
ياعم سيب الدين في حاله للفقهاء والازهرين وعلماء اصول الدين
وانقلبت الموازين
وواحد بلطجي بقا فنان كبير وبينافس فنانين محترمين
وبيسمي نفسه نمبر ون
وواحد آخره عربجي يجر عربيه كارو بدل الحمار ينادي يبيع شوية خضار بقا مغني ومن أهم المطربين
والمطربين بجد مش سائل فيهم حد
وعن الساحة مختفيين وعلي الرف ياقلبي مركونين
مش تقليل من التجار أو البياعين
وانقلبت الموازين
والإدارة فهلوة وشطارة وناس علي الكراسي قاعدين لا فاهمين ولا دارسين
وبالوسطه والمحسوبية متعينين
قرارات شمال وقرارات يمين
وكلنا معاهم غرقانين
وانقلبت فيكي يامصر الموازين
ونحاسب مين وكلنا مسؤولين
فضفضة
دكتورة لبني يونس
فينوس