- قوم اتقدم
ما تستنظرش يفرجها
على عاصى مشبكها
- وحاطت يده فى البارد
ليه بتعاند ومستنظر من العائلة واحد يظهر
يدافع عنك ويحميك من اللى كويك شيخ المنصر
قوم اتقدم وقول هخدم وقاصد وجه الأكرم
جايز يهديك لاى طريق وكله يقوم يجى وياك
- لقصر النمرود يهدم
لكن الجبن مزروع فيك مطاطى للى بيأزيك
خوفك نفس خوف الكل عنين بتطل من الشبابيك
خايفة الموت يحصلها وأسرة الهم محاصرها
وناسى ان قدرها بيد رب المخاليق
وبتعاند ومستنظر من العائلة واحد يظهر
يدافع عنك ويحميك من اللى كويك شيخ المنصر
متستنظرش وبطل هرش ومتفكرش يوم تنجى
ما هش بيعة ولا شروة ولا فصال فى كيلو منجة
دا كرسى وعرش بساط وفرش
- ومطش كبير بالسنجة
يا منه تعود يا اما تموت وتتحنط كما الرنجة
يا تملك الزمام يدك وتحفظ كرامة اهلك
ووطنك اللى ضاع منك يعودلك والغراب يتهش
وقبل المطش وصية ليك ولاخواتك
تصلوا ركعتين لله وتتعاهدوا تخلصوا النية
تكون لله ماتطمعش وماتعطوش دنية
باسم الله تبدوها وحذارى اى معصية
قوم اتقدم وقول هخدم وقاصد وجه الأكرم
جايز يهديك لاى طريق وكله يقوم يجى وياك
- لقصر النمرود يهدم
- قوم اتقدم
- بقلم محمد البلاط