انا شايفه بقلبي وبعيني وبلاش تتناسى وتنسينى
افتكرى نظرة كانت منك وحكتلى على كل ما فيكى
ومين يده كانت بتشدك من نار وتحاول تحميكى
فى القلب مين كان شايلك من البرد حنانه يدفيكى
افتكرى الهمس اللى مبينا افتكرى امالنا واحلامنا
افتكرى كفوفنا بعرقها من شوقها كانت تتحنى
افتكرى البسمة اللى وراها و الضحكه اللي كت جراها
وبحبل العشق اللى ربطنا ولا بتتناسى ونسياها
افتكرى الفرحة اللى خدتنا وفى حضن واحد ضمتنا
ضمت اجسادنا وعصرتنا وعقولنا مكتش فهماها
وفى لحظه عن بعض بعدنا واحبال الحب بتربطنا
والخوف من الناس اللي تلومنا على عشق ساكن جوانا
وكانت ارواحنا اللى بتعشق وعقولنا كانت سرحانة
افتكرى الماضى وسعديني ارجع للماضى بحنينى
ولا بتتناسى وتنسيني وقلوبنا للماضي ولهانة
- افتكرى الماضى اللي مبينا
- بقلم محمد البلاط