متابعة / محمد مختار
الأربعاء 12-02-2025
وجه صابر عيد نجم غزل المحلة ومنتخب مصر السابق استغاثة على الهواء مباشرة للتدخل من أجل حل أزمة مرضه الذي يعاني منه منذ 3 سنوات ماضية وقال صابر عيد نجم غزل المحلة ومنتخب مصر السابق في تصريحات فضائية عبر شاشة إم بي سي مصركان عندى ورم في رجلي من سنتين أو 3 سنوات وبسببه عملت عملية هنا في المحلة والحمد لله الأمور كانت كويسة
وأضاف بعدها خضعت لـ 30 جلسة إشعاع بجانب جلسات الكيماوي وكمان حاجة اسمها علاج موجه لكن بعد فترة الورم بدأ يظهر تاني وبعدها ظهر ورم جديد في الرئة وتابع الورم اللي في الرئة مع اللي في رجلي خلاني مش قادر اتحرك خالص، معرفش بقى الورم جه على العصب ولا إيه أنا كنت بتعالج مع التأمين الأول وكنت بتعب جدًا عشان آخد دور وأتعالج فكنت بقوم الفجر عشان أحجز دور، وأنا مش بقدر أمشي وواصل المشكلة إني مش قادر من التعب والوجع بيزيد يوم بعد يوم، والحقيقة شوقي غريب وقف معايا وخدني مستشفى معهد الأورام في مصر فالمستشفى حجزتلي موعد يوم 20 وأخدوا مني عينة عشان الورم، وإن شاء الله أعمل العمليةوزادالمشكلة إني الوجع بيزيد عليا وأنا قاعد في اللقاء بتكلم وأنا واخد مسكنات لو المسكنات مفعولها انتهي مش بقدر أتكلم وأتم الوزير كلمني ورحت عن طريقه للدكتور قالي خليك ماشي مع علاج التأمين الصحي بس مش عارف العلاج مش جايب نتيجة خالص، وعرفت إن المهندس هاني أبوريدة سأل عليا وإن شاء الله يساعدني، وأي حد يقدر يساعدني في إني ألاقي علاج سريع وفعال يبقي ربنا يكرمكم لأني تعبان والله