-
يا ذكريات عمرنا يا حكاية يحكيها الزمن
ويسمعها اللي يحبنا هتحكي عالي اتردم
يا تكون عز ومفخرة يا تكوني صرح واتهدم
انسي مواجع حبنا وانسي الالام وانسي الندم
وسجلي عنا الجميل وحفظ الجميل ويا النعم
واحكي حكاية حبنا وسهر الليالى والانتظار
وشوق محب للحبيب لما يغيب وعليه يغار
السعد كله سجليه وانسي الالام وانسي المرار
وسجلي ضي القمر وسجلي شمس النهار
وسجلي عن الندا علي الورد لو كدا وكدا
واخر الكلام يا ذكريات تقولي واحد منا مات
والتاني من حزنه عليه كثر عليه فرقة ساعات
واخر السطور تقفلي بسطر يقول الحب مات
اتكفلي يا ذكريات وسجلي الحب مات
- بقلم محمد البلاط