بقلمي انا
هبه حسن ابوالمجد
متابعه ألصحفي :بسام سيد
انك تلبي احتياجات اولادك من مأكل ومشرب وملبس دي رعايه انك تجيبلهم عربيه أو تجددها أو تغير اثاث الشقه أو تجيبلهم شقه جديده دي رعايه انك تجيب لابنك البنطلون البراند اللي هيتجنن ويجيبه دي رعااايه انك تغيري الوان اوضه اولادك وستايرها وسجادها دي رعايه إنما تاخد رأيهم ويشاركوك ف كل تفاصيل اللي فات اهي دي بقي تربيه 🤌👌
التربيه يافندم هي اهتمام بكل تفاصيل يومهم ومشاركتنا ليهم اني اكون عارفه حصل ايه ف يومهم واتعرضوا لايه واتصرفوا ازاي ف المواقف اللي مروا بيها 🤍 اني كمان اتناقش واتكلم معاهم ع آمالهم وطموحاتهم وأحلامهم ✍️ادونها معاهم واسعي معاهم ف تحقيق أهدافهم ونكتبها ونلاقي حلول وخطوات لتحقيقها ومناقشتها معاهم باستمرار 🤝اني أعلمهم مهارات جديده واتعلم معاهم دي تربيه 🤌 اني احضنهم كل شويه مش كل يوم كل شويه 👌🫂دي تربيه 🤌 اني اسمع مشاكلهم ونحاول نوصل لحلول دي تربيه اني اخدهم يزورو قرايبنا واحببهم فيهم واخلي كل واحد مسؤل أن يسأل ع حد من قرايبنا وخصوصا كبار السن دي تربيه 🤍اني اسيب الموبايل واقعد ادردش معاهم ونتكلم ف اي حاجه بدون انتقاد أو نصائح مني دي تربيه 🤍 اني دايما افكرهم اني بحبهم وأنهم نعمه ف حياتي دي تربيه 🤍 اني انبه عليهم يحبوا بعض ويخافوا ع بعض وانا كمان اعمل كده دي تربيه اني انام جنبهم من وقت للتاني 🤌وابوسهم قبل نومهم أو اقولهم كلمات حب وتشجيع ونجاح واهتمام دي تربيه مش دلع 👌
أنهم يسمعوكم وانتو بتدعولهم وبتتمنلهم الخير دي قمه التربيه والسلام والهدوء والاستقرار النفسي👩❤️👨🫂
التربيه مشقه والثواب اللي هتناله وتفوز بيه ع اد المشقه 👩❤️👨ولادنا امانه كبيره ولازم نكون ع اد صون الامانه 🤍🌎
دمتم بخير وصحه وهدوء وسلام واستقرار نفسي 🍀🤍
بقلمي انا ✍️
هبه حسن ابوالمجد
معالج نفسي وسلوكي واستشاري الصحه النفسيه والإرشاد الأسري والتحفيز الإيجابي ورئيس لجنه الدعم النفسي لمحافظات وجه بحري لمبارده احنا قدها
مدرب نفسي معتمد من المعهد العربي للصحه النفسيه