كتبه صالح عباس حمزه
القلب والعقل في الصوره
ابويا في حياتي هو احلي اسطوره
شرب المر علشاني
وداس على الصعب قدامي
وتعب لما رباني
وفي وطول عمره ما خان
ولا ضعيف في يوم عليه هان
كفاني بحبه عن العم والخال
وقلبه كان نهر حنان
بيقول الكلمه ما ينساها
زي الجبل واقف
ولما رسم عليه الزمان أيامه
وبقت خطواته معدوده
كان بيقوم ولا يهمه
لحد ما انا الاوان
وانتهي عمره
واتقفل كتاب ايامه
وراحت الروح لباريها
وساب في القلب جرح
ما في طبيب يداويه
الا المكان اللي هو فيه