كتب احمد الغمري
في حديث شيق عن ذكريات أليمة تحدث الكابتن عماد محمود كابتن منتخبنا القومي ونادي الاتحاد السكندري في عصره الذهبي عن فقد البطولات في المباراة الأخيرة فقال
سنه 96 درس قاسى بعد فوزنا على الجزيره فى دوره الحريرى ب صيدا بفارق 30 نقطذه وبعدها ب اسبوع بطوله افريقيا فى استاد اسكندريه اختار جهاز الاتحاد الافتتاح يكون مع الجزيره لسه فايزين عليهم بسهوله وتحضير لاحتفالات وغرور ومن الجانب الآخر تحضير بقياده افضل كوتش مصرى المرحوم عادل صبرى يخطف المباراه والبطوله فى غفله من فريقنا الاقوى المستهتر .. درس قاسى .. سنه 2010 بطوله عربيه فى استاد اسكندريه فريق مكتظ بالنجوم ومطعم ب نجوم الفرق الاخرى .. والفوز فى المجموعه على الرياضى اللبنانى فى احسن حالاته وفى قبل النهائي مع فريق المتحد اللبنانى بلاعب اجنبى دارين كيلى خسرنا بنفس السبب وبنفس الاستهتار .. للاسف لم نتعلم الدرس .. اخطاء كبيره اهمها عدم التحضير النفسى والذهنى للمباراه مفروض لاعبين خبرات واجانب خبرات .. اثناء المباراه فعلا كان لازم اللعب بكل اوراقك خاصه فى عدم توفيق او إجهاد او تدنى مستوى بعض اللاعبين وخاصه انك تمتلك لاعبين كلهم ممتازين واثبتوا من قبل تحملهم للمسؤولية فى اوقات صعبه .. لو مش موفق هجوميا الاتجاه يكون للمهام الدفاعية وقفل اهم مفتاح اعتمد عليه العربى القطرى وهو هجمه كامله وتصويب من الخارج فى عدد محدود من اللاعبين اللى مفيش بديل لهم اعتقد ال switch game والضغط على مفاتيحهم بلاعبين اصحاء مثل يوسف شحاته ويوسف شوشه وباسم الليثى وعبد الرحمن وياسر صالح واستخدام عدم اجهادهم لإجهاد مفاتيحهم اعتقد كان حيكون افضل لكن واضح الخمول والاستسهال حتى فى التفكير وان المباراه جايه جايه .. قدر الله وماشاء فعل لكن اتمنى عدم تكرار الدرس القاسى اللى تاثيره على الجمهور كبير وهم ليس لهم اى ذنب غير حب الاتحاد السوبر و البال ودورى المرتبط ويارب الفوز فى السوبر لن يكون سهل خالص