/كتب رفيق عبد الفضيل
خلال ساعات هيشارك ٥٤ بطل مصري من ذوي الإعاقة في دورة الألعاب البارالمبية باريس ٢٠٢٤ اللي هي المعادل للألعاب الأولمبية لذوي الإعاقة..
رصيد مصر في الألعاب البارالمبية مشرف جداً ١٨٤ ميدالية متنوعة بين ذهبية وفضية وبرونزية، وفي كل دورة الرصيد ده بيزيد بشكل أكثر من رائع..
الدورة دي مصر بتشارك في ١٠ رياضات مختلفة ومتوقعين بإذن الله نجاح كبير للبعثة المصرية..
أنا على المستوى الشخصي بكون حريص على متابعة الألعاب البارالمبية بنفس حرصي على متابعة الأولمبياد، لأنها بتحقق مفهوم مهم جداً، وهو أن الرياضة للجميع..
كل الدعم والتمنيات بالتوفيق لأبطالنا فى البارالمبية.